Birləşmiş Ərəb Əmirlikləri (BƏƏ) 2030-cu ilə qədər bərpa olunan enerji mənbələrinə əsaslanan istehsal müəssisələrinin gücünü 14,2 GVt-a çatdırmağı planlaşdırır.
Sahibkartv.az xəbər verir ki, bunu çərşənbə axşamı BƏƏ-nin sənaye və qabaqcıl texnologiyalar naziri Sultan bin Əhməd Əl Cabi deyib. 

"Son on ildə BƏƏ bərpa olunan enerji mənbələrinin gücünü dünyanın istənilən ölkəsindən daha çox artırıb. Biz 2030-cu ilə qədər bu rəqəmi 3 dəfədən çox artıraraq  14,2 GVt-a çatdırmaq niyyətindəyik", Əl-Cabir bildirib.
Bir müddət əvvəl Birləşmiş Ərəb Əmirliklərinin energetika naziri Suheil əl-Mazrui bildirmişdi ki, 2030-cu ilə qədər ölkənin enerji balansında bərpaolunan enerjinin payı 32% olmalıdır. 
BƏƏ-nin əvvəlki enerji strategiyası 2017-ci ildə qəbul edilib. Strategiya, 2050-ci ilə qədər ölkənin enerji kompleksində bərpaolunan enerjinin payının 25%-dən 50%-ə qədər artırılmasını nəzərdə tutur.