"S&P Global Ratings"də Direktor Aleks Qriaznov bildirib ki, neft və qaz qiymətləri ilin sonuna doğru arta bilər.
Sahibkartv.az xəbər verir ki, Qriaznov Brent markalı neftin qiymətinin orta hesabla 80-90 dollara yüksələ biləcəyini deyib.
Bazarların qlobal tənəzzül ehtimalını həddindən artıq qiymətləndirdiyini qeyd edən Qriaznov, "Bazarlardakı ən böyük problem, inkişaf etməkdə olan ölkələrdən gələn tələbi görə bilməyəcəyimizdir, onları izləyəcəyik" deyib.
Kömürdə də neftə bənzər mənzərə müşahidə etdiklərini deyən Qriaznov, bəzi bölgələrdə kömür tədarükündə qıtlığın ola biləcəyini və bu vəziyyətin kömür qiymətlərini artıra biləcəyini qeyd edib.
Həmçinin, Qriaznov qarşıdakı dövrdə bəzi metallar üzrə 10-20 faiz artım ola biləcəyini söyləyib.