31 dekabr 2022-ci il tarixinə Fond Azərbaycan Beynəlxalq Bankı və Azərbaycan Respublikası Mərkəzi Bankındakı bank hesablarında müvafiq olaraq 892 min manat və 51 milyon 368 min manat (2021: 7 milyon 232 min manat  və 1 milyard 530 milyon 759 min manat ) məbləğində vəsait saxlamışdır.
Sahibkartv.az xəbər verir ki, bu, Azərbaycan Respublikası Dövlət Neft Fondunun (ARDNF) 2022-ci il üzrə maliyyə hesabatlarında bildirilir.
Hesabatda qeyd edilib ki, 31 dekabr 2022-ci il tarixinə müddətli depozitlərin əsas hissəsini Türkiyə Mərkəzi Bankında yerləşdirilmiş 1 milyard 813 milyon 719 min manat məbləğində depozit təşkil edir. Bu depozit üzrə 2 milyon 319 min manat  məbləğində faiz hesablanmışdır.