Qərbi Afrika ölkəsi Qana keçən il qızıl hasilatında 32 faiz artıma nail olub və yenidən qitənin ən böyük qızıl istehsalçısına çevrilib.
Sahibkartv.az xəbər verir ki, Qana Mədən Palatasının sədri Joshua Mortoti verdiyi açıqlamada, 2022-ci ildə həm böyük, həm də kiçik və orta  şirkətlər tərəfindən qızıl istehsalının əhəmiyyətli dərəcədə artdığını bildirib.
Mortoti qeyd edib ki, ölkədə qızıl hasilatı bir il əvvəl 2,8 milyon unsiyadan keçən il 3,7 milyon unsiyaya (105 ton) yüksəlib.
Bu artımın daha çox iri şirkətlər tərəfindən təmin edildiyini qeyd edən Mortoti, keçən il qızıl istehsalındakı 32% artım sayəsində Qananın yenidən Afrikanın ən böyük qızıl istehsalçısı olduğunu söyləyib.
Tarixdə “Qızıl Körfəz” adlandırılan Qana, Cənubi Afrika Respublikası ilə birlikdə qitənin ən böyük qızıl istehsalçıları sırasındadır.