Dünyanın aparıcı kənd təsərrüfatı texnikası istehsalçılarından biri olan Almaniyanın CLAAS şirkəti Azərbaycana investisiya yatıra bilər.
Bu barədə Marja.az-a 2017-ci ildən Azərbaycan bazarında Almaniyanın “CLAAS” markasının rəsmi tərəfdaşı olan "4S" şirkətindən bildirilib.
Qeyd edilib ki, Azərbaycan Prezidenti İlham Əliyevin Almaniyada iş adamları ilə keçirilən məhsuldar görüşün nəticəsi olaraq yeni mərhələdə “CLAAS” və "4S" birlikdə işğaldan azad edilmiş ərazilərdə investisiya imkanlarının araşdırılmasına da başlayıb.
Bu sahədə artıq dövlət orqanları ilə ilkin məsləhətləşmələr də başlayıb.
SERVİS ŞƏBƏKƏSİ GENİŞLƏNDİRİLƏCƏK
"4S" şirkəti yeni inkişaf mərhələsinə qədəm qoyub. Son beşillik fəaliyyət dönəmini ciddi analiz edən şirkət gələcək beş il üçün inkişaf konsepsiyasını işləyib hazırlayıb. Yeni inkişaf konsepsiyasında innovativ yeniliklərin Azərbaycan bazarında təqdimatının genişləndirilməsi ilə yanaşı, fermerlərə daha yaxın olmaq üçün servis şəbəkəsinin genişləndirilməsi hədəf kimi müəyyənləşdirilib. Bu məqsədlə Bakıda 2023-2028-ci ildə əməkdaşlığa dair memarandum imzalanıb.
