Neft, ABŞ-ın borc defoltundan yayına biləcəyinə dair nikbinlik ilə bahalaşır.
Sahibkartv.az xəbər verir ki, Bakı vaxtı ilə saat 14:17-yə olan məlumata görə, Brent nefti 1,2 faiz dəyər qazanaraq 76,77 dollara yüksəlib.
Nümayəndələr Palatasının spikeri Kevin Makkarti bildirib ki, tərəflər borc tavanı məsələsində bu həftənin sonuna kimi prinsipial razılığa gələ bilərlər. Həmçinin bəzi Asiya neft emalı zavodları tərəfindən xam neft alışı bazarda əhval-ruhiyyəsini artırıb.
Çinin ləng iqtisadi bərpası və FED-in faizlərini artırması proqnozlara mənfi təsir göstərdiyi üçün xam neft bu il 10 faiz ucuzlaşıb. Fed rəsmiləri bazara müəyyən qeyri-müəyyənlik əlavə edirlər. Növbəti iclaslarında faiz dərəcələrini artırmaq və ya fasilə verməklə bağlı fikir ayrılığı mövcuddur.
Analitiklər bildirirlər ki, borc tavanı danışıqları və ölkənin strateji neft ehtiyatlarını artırmaq planı ilə bağlı nikbinlik qiymətlərə dəstək verir.
Kanadanın ən çox enerji istehsal edən ştatı olan Albertada meşə yanğınları davam edir, bu səbəbdən ərazidə neft hasilatı dayandırılıb. "Rystad Energy", yanğın səbəbindən gündəlik təxminən 240.000 barel neft hasilatının dayandırıldığını təxmin edir.