Energetika naziri Pərviz Şahbazov martın 28-29-da Almaniyanın paytaxtı Berlində təşkil olunacaq "9-cu Berlin Enerji Keçidi Dialoqu" adlı beynəlxalq konfransda iştirak edəcək.
Bu barədə “Sahibkartv.az”a Energetika Nazirliyindən məlumat verilib.
Bildirilib ki, P. Şahbazov Almaniyanın federal xarici işlər naziri Annalena Berbok və iqtisadiyyat və iqlim naziri, vitse-kansler Robert Habekin dəvəti ilə Berlinə səfər edib.
Müxtəlif ölkələrdən nazirlərin, beynəlxalq təşkilat və maliyyə institutlarından yüksək səviyyəli nümayəndələrin qatılacağı tədbirdə energetika nazirinin çıxışı və ikitərəfli görüşlərin keçirilməsi nəzərdə tutulur.