"ABB" ASC (Azərbaycan Beynəlxalq Bankı) və "Kapital Bank" ASC Dövlət Sosial Müdafiə Fondunun (DSMF) keçirdiyi tenderlərin qalibi olublar.
Sahibkartv.az xəbər verir ki, Dövlət Sosial Müdafiə Fondunun "Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Aparatında əmək haqlarının, dövlət icbari şəxsi sığortası üzrə sığorta ödənişlərinin və digər struktur bölmələrində əmək haqlarının, əmək pensiyalarının, sosial müavinətlərin, sosial yardımların, eləcə də ayrı-ayrı kateqoriya şəxslərə Azərbaycan Respublikası Prezidenti tərəfindən təyin edilmiş təqaüdlərin və kompensasiyaların ödəniş kartları, habelə zərurət olduğu halda digər ödəniş alətləri və üsulları vasitəsi ilə nağdsız qaydada ödənilməsini həyata keçirmək məqsədilə göstəriləcək bank xidmətlərinin satın alınması" ilə bağlı tenderdə "ABB" qalib elan edilib. Qalib ilə məbləği 16 milyon 206 min 332 manat olan müqavilə imzalanıb.

Həmçinin "Kapital Bank" ASC "Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Aparatında və digər struktur bölmələrində əmək pensiyalarının, sosial müavinətlərin, sosial yardımların, eləcə də ayrı-ayrı kateqoriya şəxslərə Azərbaycan Respublikası Prezidenti tərəfindən təyin edilmiş təqaüdlərin və kompensasiyaların ödəniş kartları, habelə zərurət olduğu halda digər ödəniş alətləri və üsulları vasitəsi ilə nağdsız qaydada ödənilməsini həyata keçirmək məqsədilə göstəriləcək bank xidmətlərinin satın alınması" ilə bağlı tenderdə qalibdir. Dövlət Sosial Müdafiə Fondu "Kapital Bank" ilə məbləği 15 milyon 988 min 474 manat olan müqavilə imzalayıb.