Qlobal ərzaq qiymətləri 2022-ci ili 1% geriləmə ilə başa vurub.
Sahibkartv.az xəbər verir ki. dünya ərzaq qiymətləri dekabrda 2021-ci ilin eyni dövrünə nisbətən 1 faiz düşüb. Qiymətlər noyabr ayı ilə müqayisədə isə 1,9 faiz azalıb. Qiymətlərdə ardıcıl doqquzuncu ayda da azalma baş verib.
Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) tərtib etdiyi taxıl, yağlı bitkilər, süd məhsulları, ət və şəkərin qiymətlərində aylıq dəyişiklikləri izləyən dünya ərzaq qiymətləri indeksi dekabrda 135 səviyyəsindən 132,4-ə düşüb.
Noyabr ayı üçün ərzaq qiymətləri indeksi daha əvvəl 135,7 olaraq açıqlanmışdı. İndeks 135 olaraq yenilənib.
Ötən ilin fevralında Rusiyanın Ukraynaya hücumundan sonra dünya bazarında ərzaq qiymətləri Qara dənizdən daşınmaların dayandırılması ilə bağlı narahatlıqlar səbəbindən artsa da, BMT, Ukrayna, Türkiyə və Rusiya arasında imzalanan taxıl dəhlizi sazişinin dəstəyi ilə düşüb.
