Beynəlxalq Valyuta Fondunun (BVF) sərəncamçı direktoru Kristalina Georgiyeva 2023-cü ildə qlobal iqtisadi artımın 2,7 %-ə qədər azalmasına ehtimal verib. 
“Sahibkartv.az” xəbər verir ki, bu barədə o, Çində “bir üstəgəl altı” formatında keçirilən dəyirmi masanın yekunlarına dair çıxışında bildirib.
“Qlobal iqtisadi artım 2022-ci ildə kəskin şəkildə 3,2 %-ə düşüb və biz gələn il 2,7 %-ə qədər daha da yavaşlamanı proqnozlaşdırırıq”, - BVF-in rəsmisi qeyd edib.
K.Georgiyevanın sözlərinə görə, yaşayış qiymətlərinin qlobal böhranının səbəbləri pandemiya, Rusiya-Ukrayna müharibəsi və yüksək inflyasiyadır:
“Dünyanın düşdüyü ciddi qeyri-müəyyənlik səviyyəsi daha da sıx əməkdaşlıq tələb edir”.