Camal Yanqın 

"Biz hər zaman demişik ki, Qarabağ Azərbaycandır və ölkənin biznes mərkəzinə çevriləcək. Burada iş qurmaq istəyənlər mənfəətlərini düşünməməlidirlər".
Bunu “Sahibkartv.az”a müsahibəsində Azərbaycan-Türkiyə İş Adamları Birliyinin (ATİB) İdarə Heyətinin sədri Camal Yanqın deyib.

"İş adamlarına deyirik ki, işğaldan azad edilmiş ərazilərə köçən insanları işlə təmin etməlisiniz. Əsas arzumuz budur. Prezident İlham Əliyev həmin ərazilərdə biznes fəaliyyəti ilə bağlı bizə göstəriş verməyib. Ona görə ki, işğaldan azad edilmiş ərazilərin Baş Planları, müfəssəl planları hələ ki, hazır deyil. Hazırda oralarda yalnız infrastruktur layihələri icra edilir. Fabrik və zavodların tikintisi üçün hələ vaxt var.
Hazırda Qarabağda 4 böyük şirkətimiz fəaliyyət göstərir. Onlardan biri ATİB-in İdarə Heyətinin üzvü olan “Kolin İnşaat”dır ki, 2006-cı ildən Azərbaycanda çalışır, işğaldan azad edilmiş ərazilərdə körpü və yol tikintisi ilə bağlı işlərdə önəmli şirkətlərdən biridir. “Kolin İnşaat” Qarabağda “Zəfər Yolu” inşa edib, həmçinin, dəmir yolu layihələrində iştirak edir", - o qeyd edib.
C.Yanqınla müsahibəni tam şəkildə buradanoxumaq mümkündür.