Azərbaycandan keçən quru nəqliyyatının inkişafı üçün yaxşı imkan var.
“Sahibkartv.az” yerli mətbuata istinadən xəbər verir ki, bunu Qazaxıstan Respublikası Xarici İşlər Nazirinin müavini Roman Vasilenko deyib.
"Çin Qazaxıstanın əsas tərəfdaşlarından biridir - ticarət baxımından Rusiyadan sonra ikinci yerdədir. Əgər 27 üzvdən ibarət Avropa İttifaqını da nəzərə alsaq, Aİ də bizim ən böyük ticarət tərəfdaşımız və investorumuzdur, amma ayrı-ayrı ölkələr haqqında danışsaq, Rusiya birincidir, siyahıda ondan sonra Çin gəlir, o da ən böyük investorlardan birinə çevrilib və təkcə energetikada deyil, tikinti, maşınqayırma, sənaye kimi sahələrdə sərmayə yatırır", - Qazaxıstan Respublikası Xarici İşlər Nazirinin müavini vurğulayıb.
"İndi dəniz ticarəti də böyükdür və biz hətta Çindən Avropaya dəniz yolu ilə daşınan malların həcmi ilə rəqabət aparmağa iddialı deyilik. Lakin geosiyasi təlatümləri nəzərə alaraq, təkcə Çin və Qazaxıstandan deyil, həm də Xəzər dənizindən, Azərbaycandan, Gürcüstan, Qara dəniz və Şərqi Avropadan keçən “Orta Dəhliz” adlanan yerdən quru nəqliyyatını inkişaf etdirmək üçün həqiqətən yaxşı imkan var", - Roman Vasilenko deyib.
“Əlavə etməliyəm ki, on il ərzində üç ölkə - Qazaxıstan, Rusiya və Belarus Şimali Çin-Avropa adlanan marşrutun yaradılması üçün çox çalışıblar, lakin indi bizə aydın olur ki, müxtəlifliyə böyük ehtiyac var”, - o vurğulayıb.