Bakının Suraxanı rayonunun Hövsan qəsəbəsindəki sutəmizləyici qurğuların inkişaf etdirilməsi, gücünün artırılması nəzərdə tutulub.

“Sahibkartv.az” xəbər verir ki, bunu “Azərsu” ASC-nin Planlaşdırma və Layihələndirmə Departamentinin rəisi Bahadur Kəngərli “Ekspert saatı”nda bildirib.
"Bu gün həmin ərazidəki tullantı su şəbəkəsində nəqledici kollektorların tikintisi planlaşdırılır. Bu da tullantı sularının idarə olunmasına imkan verəcək. Bununla da gələcəkdə Hövsan sutəmizləyici qurğusunun gücünün 200 min kubmetrə qədər artırılması planlaşdırılır”, - deyə o, qeyd edib.
O əlavə edib ki, Pirşağı qəsəbəsində tullantı sularının Xəzərə axıdılmasının qarşısı alınıb: “Sahil boyu 1000 millimetrlik kollektor vasitəsilə Xəzərə axıdılan tullantı suyunun qarşısı tamamilə alınıb”.