Çərşənbə günün açıqlanan statistik rəqəmlərə görə Avrozonada inflyasiya avqust ayında rekord həddə - 9.1%-ə çatıb. Xəbərə ilk reaksiya olaraq avro dollar qarşısında bir qədər bahalaşsa da, Amerika sessiyasında dollar indeksində davam edən yüksəliş fonunda “ayılar” yenidən üstünlüyü ələ almağı bacardılar. Hazırda 109 bənd civarına yaxınlaşan dollar indeksi bu müqavimət səviyyəsini qıra bilsə, EUR/USD və GBP/USD cütlüklərində eniş tendensiyası daha kəskin xarakter ala bilər.
Bu gün Amerikada, Avrozonada, Almaniyada və İngiltərədə açıqlanacaq biznes aktivliyi indeksi göstəriciləri investorların diqqət mərkəzində olacaq.

Son 3 ildə 4-cü dəfə 1680$ hədlərini test etməyə gedən qızıl bu həddi qıracağı təqdirdə,  qiymətli metalın bir unsiya üzrə dəyəri kəskin şəkildə ucuzlaşa bilər. Buna qədər isə satıcılar 1700$ və 1690$ səviyyələrindəki dəstək hədləri qırılmalıdırlar.
Məlumat Azərbaycanın İnvestAZ İnvestisiya şirkətinin analitikləri tərəfindən hazırlanıb