Azəri-Çıraq-Günəşli (AÇG) və Şahdəniz üzrə gəlirlər açıqlanıb.
Dövlət Neft Fondunun yaydığı məlumatda bildirilir ki,  2022-ci ilin yanvar-aprel dövründə AÇG yatağı üzrə 2 milyard 898 milyon ABŞ dolları, Şahdəniz yatağı (qaz və kondensat) üzrə 405 milyon 475 min ABŞ dolları gəlir əldə edilib.
O cümlədən, Şahdəniz yatağı üzrə kondensatın satışından əldə olunan gəlirlər 96 milyon 995 min  ABŞ dolları olub.
Ötən ilin ilk 4 ayında AÇG yatağı üzrə gəlirlər 1 milyard 437 milyon ABŞ dolları təşkil etmişdi. Beləliklə, Neft Fondunun Azəri-Çıraq-Günəşli üzrə gəlirləri 2 dəfə artıb.