"Bu ilin 1-ci rübündə Azərbaycandan Türkiyəyə 2.2 milyard kubmetr, Avropaya 2.6 milyard kubmetr, Gürcüstana isə 1.1 milyard kubmetr təbii qaz ixrac edilib".
Sahibkartv.az xəbər verir ki, bu barədə Azərbaycanın energetika naziri Pərviz Şahbazov özünün “Twitter” hesabında məlumat paylaşıb. 
Nazir qeyd edib ki, ilk 3 ayda Avropaya 2,6 milyard kubmetr təbii qaz ixrac edilib. "Bloomberg"in məlumatına görə, bu göstərici ötən ilin eyni dövründə 1,1 milyard kubmetr olub.
Azərbaycan 2020-ci ilin dekabr ayından Cənub Qaz Dəhlizi vasitəsilə İtaliya, Yunanıstan və Bolqarıstana qaz ixrac edir.