Azərbaycanın bank sektorunun biznes kreditləri portfeli ilk dəfə 10 milyard manat həddini keçib.
Sahibkartv.az Mərkəzi Banka istinadən xəbər verir ki, fevral ayının sonu ilə müqayisədə bank sektorunun kredit portfeli 402,2 milyon manat artaraq 17 milyard 528.2 milyon manata çatıb.

O cümlədən, biznes kreditləri portfeli 209,4 milyon manat artaraq 10 milyard 182,3 milyon manata, istehlak kreditləri portfeli 139,5 milyon manat artaraq 4 milyard 831,3 milyon manata, ipoteka kreditləri portfeli isə 52,8 milyon manat artaraq 2 milyard 514.6 milyon manata çatıb.