“Azərbaycan Dəmir Yolları” QSC-nin rəsmi yük agenti “EL Logistics Group” Qapalı Səhmdar Cəmiyyəti 2021-ci ili 89 min 650 manat xalis mənfəət ilə başa vurub.
Marja.az şirkətin maliyyə hesabatlarına istinadən xəbər verir ki, ötən il “EL Logistics Group”un cəmi gəlirləri 3 milyon 647 min manat, cəmi xərcləri 3 milyon 558 min manat təşkil edib. 

31 Dekabr 2021-ci il tarixində “EL Logistics Group” 1 milyon 56 min manat cəmi aktivlərə, 964 min manat cəmi öhdəliklərə və 92 min manat cəmi kapitala malik olub.
“EL Logistics Group” şirkəti dəmir yolu yük daşımalarının həyata keçirilməsi üzrə müvafiq logistik və nəqliyyat xidmətlərinin tam kompleksini təqdim edir.