Sentyabrın 14-də polis əməkdaşları paytaxt və respublikanın ayrı-ayrı rayonlarında silah-sursat aşkarlayıb.
Bu barədə Daxili İşlər Nazirliyi məlumat yayıb.
Bildirilib ki, keçirilən əməliyyat və profilaktik tədbirlər zamanı 1 avtomat silahı, 1 qumbara, 8 tüfəng, 1 patron darağı və 30 ədəd patron aşkar edilərək götürülüb.
DİN tərəfindən qanunsuz saxlanılan odlu silah-sursatın aşkarlanaraq götürülməsi istiqamətində əməliyyat və profilaktik tədbirlər davam etdirilir.
