“Qarabağda Ermənistanın qeyri-qanuni hərbi birləşmələri qalmaqdadır. Onlar tərəfindən də bəzən atəşkəsin pozulması halları müşahidə olunur”.
Bunu Azərbaycanı Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev “Haber Global”a müsahibəsində deyib.
Onun sözlərinə görə, Azərbaycan tərəfindən də lazımi tədbirlər görülür: “Azərbaycan Silahlı Qüvvələri tərəfindən də lazımi tədbirlər görülür. Eyni zamanda Rusiya-Türkiyə Birgə Monitorinq Mərkəzinə məlumatlarımızı təqdim edirik ki, onların hər biri araşdırılsın və səbəbləri müəyyən edilsin”,-  deyə Prezidentin köməkçisi bildirib.
O, qeyd edib ki, belə halların olması təəssüfedicidir, lakin vəziyyət tam olaraq nəzarət altındadır.