"18 yaşına çatmış hər Azərbaycan vətəndaşı adını, hətta soyadını da dəyişdirə bilər"
“Müstəqillik qazandığımız gündən bu günədək 1 milyon 200 minə yaxın şəxsin soyad sonluğu dəyişdirilib”.
Bunu Ədliyyə Nazirliyinin Qeydiyyat və Notariat Baş İdarəsinin əməkdaşı Nahid Səfərli “Adın, ata adının, soyadın dəyişdirilməsi” mövzusunda onlayn brifinqdə deyib.
O bildirib ki, cari ildə isə 8000-ə yaxın şəxsin soyad sonluğu milliləşdirilib.
N. Səfərli deyib ki, qaydalar qəbul olunduqdan indiyə qədər, yəni 11 il ərzində 24 mindən çox şəxsin ad və soyadı dəyişdirilib:
"Ümumiyyətlə ad, soyad və ata adının dəyişdirilməsi ilə bağlı Nazirliyə olan müraciətlərin sayında artım müşahidə olunur. Ancaq əhali arasında soyad sonluğu ilə soyadın dəyişdirilməsi məsələsində qarışıqlıq yaranır. 18 yaşına çatmış hər Azərbaycan vətəndaşı adını, hətta soyadını da dəyişdirə bilər" - o deyib.