"Azərbaycanda açıq havada maskanın istifadəsinin ləğvi ilə bağlı yaxın vaxtlarda elan oluna bilər. Bununla bağlı qaydalar hazırlanır".
Bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu departamentinin müdiri Yaqut Qarayeva deyib.
Onun sözlərinə görə, yaxın vaxtlarda maskalarla bağlı bəlli bir qərarlar elan olunacaq.
Verilişdə, həmçinin qeyd olunub ki, ictimai nəqliyyatın da yavaş-yavaş bərpa olunması gözlənilir. Bununla bağlı rəsmi qərarları gözləmək lazımdır:
“Vətəndaşlarımızı narahat edən bir çox suallar var. İstər şadlıq mərasimləri, istərsə də digər kütləvi insanların bir yerə toplaşdığı mərasimlərin hamısı müzakirə olunur. Onlarla bağlı bəlli qaydalar hazırlanır. Biz artıq bir ildir deyirik ki, normal həyatın da anlayışı dəyişəcək”.