Prezident İlham Əliyev Azərbaycan Respublikasında Anım Gününün təsis edilməsi haqqında Sərəncam imzalayıb.Sərəncamda deyilir: "Ermənistan Azərbaycana qarşı 2020-ci il sentyabrın 27-dən başlayan növbəti hərbi təcavüzə cavab olaraq Azərbaycan xalqı işğal altındakı torpaqlarımızın azad edilməsi məqsədilə Vətən müharibəsinə başlamışdır. Haqq və şərəf işimiz olan Azərbaycan Respublikasının suverənliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız,bütövlükdə xalqımız əzm və iradə,bir yumruq kimi birlik və həmrəylik nümayiş etdirərək,dümənə sarsıdıcı zərbə endirmişdir. Azərbaycan Ordusunun zəfər yürüyüşünə dözə bilməyən düşmən təxribatlara əl ataraq,günahsız mülki insanları hədəfə almaqla müharibə cinayətləri törətmişdir. Həmvətənlərimizin bir çoxu şəhid olmuş, itkin düşmüş,yaralanaraq sağlamlığını itirmişdir.Müzəffər ordumuzun bu gün yazdığı tarix sabah daha da güclü ink inkiçaf edəcək,çiçəklənəcək Azərbaycan üçün  möhkəm bünövrədir.Bu eyni zamanda, regionda dayanıqlı və uunmüddətli sülhü,əmin-amanlığı təmin edən mühüm amildir. Azərbaycan hərzaman mübariz oğul və qızların şücaətini yüksək qiymətləndirir, bütün şəhidlərimizin ruhuna ehtiram göstərir,xatirəsini uca tutur. Vətən müharibəsində qəhrəmancasına döyüşmüş, Azərbaycan bayrağını işğaldan azad edilən torpaqlarinda dalğalandırmış,ölkəmizin ərazi bütövlüyü yolunda canalrını fəda etmiş əsgər və zabitlərimizə,bütün şəhidlərimizə dərin ehtiram əlaməti olaraq, Azərbaycan Respublikası Konstitusiyasının 109-cu maddəsinin 32-ci bendini esasən qərara alıram:
1. "Hər il sentyabrın 27-si Azərbaycan Respublikasında Anım Günü kimi qeyd edilsin.2.Azərbaycan Respublikasının Nazirlər Kabineti bu Sərəncamdan irəli gələn məsələri həll etsin."