23 noyabr 2024-cü il tarixində Goranboy rayonu əlamətdar bir tədbirə şahidlik etdi. Medlife MMC-nin direktoru Günay Mustafayevanın təşəbbüsü ilə tanınmış həkimlər və tibb mütəxəssisləri bir araya gəldi. Görüşdə Radiologiya Cəmiyyətinin sədri, tibb üzrə fəlsəfə doktoru Yunis Əfəndiyev, tibb üzrə fəlsəfə doktoru Elşad Sadıqov, onkoloq-mammoloq, onkoplastik və rekonstruktiv cərrah, Qadın Sağlamlığı İctimai Birliyinin sədri Samir Qurbanov, həkim-radioloq Fəridə Abbasova və İmago Medical Systems direktoru Cəsur Akyol iştirak etdilər. Görüşə ev sahibliyi edən Goranboy Rayon İcra Hakimiyyətinin başçısı, hörmətli Məhərrəm Quliyev qonaqları səmimi və qonaqpərvərliklə qarşıladı.

Sahibkartv.az xəbər verir ki, görüş zamanı Məhərrəm Quliyev Medlife MMC-nin tibb sahəsində əhaliyə göstərdiyi xidmətləri yüksək qiymətləndirərək, şirkətin bölgə üçün yaratdığı imkanlara diqqət çəkdi. O, Günay Mustafayevanın rəhbərliyi ilə həyata keçirilən layihələrin Goranboy sakinlərinin sağlamlıq vəziyyətinin yaxşılaşdırılmasında əhəmiyyətli rol oynadığını vurğuladı və gələcək fəaliyyətlərində uğurlar arzuladı.
Medlife MMC-nin təqdim etdiyi innovativ tibbi xidmətlər və qabaqcıl texnologiyalar, bölgədəki tibbi infrastruktura mühüm töhfə verir. Günay Mustafayeva, rəhbəri olduğu şirkətin fəaliyyətində vətəndaşların sağlamlığına önəm verdiyini, həmçinin peşəkar tibb mütəxəssisləri ilə əməkdaşlığın inkişafına xüsusi diqqət yetirdiyini qeyd etdi.

Görüşdə iştirak edən tanınmış mütəxəssislər – Yunis Əfəndiyev, Elşad Sadıqov, Samir Qurbanov, Fəridə Abbasova və Cəsur Akyol – bölgədə tibbi xidmətlərin keyfiyyətinin artırılması istiqamətində yeni təşəbbüslərin vacibliyini vurğuladılar. Onlar Goranboyda tibbi bilik və təcrübə mübadiləsi üçün belə görüşlərin mühüm olduğunu qeyd edərək, bu əməkdaşlığın gələcəkdə daha böyük layihələrlə nəticələnəcəyinə ümidlərini ifadə etdilər.

Qonaqlar, görüş zamanı göstərilən səmimi münasibətə və yüksək qonaqpərvərliyə görə hörmətli Məhərrəm Quliyevə dərin minnətdarlıqlarını bildirdilər. Onlar, Goranboy Rayon İcra Hakimiyyətinin rəhbərliyinin tibbin inkişafına verdiyi dəstəyi yüksək qiymətləndirərək, bölgədə daha geniş miqyaslı tibbi layihələrin həyata keçirilməsi üçün əməkdaşlığa hazır olduqlarını qeyd etdilər.

Bu görüş, Goranboy rayonunda tibb sahəsində əməkdaşlığın gücləndirilməsi və əhali üçün daha keyfiyyətli tibbi xidmətlərin təmin olunması istiqamətində mühüm bir addım oldu. Günay Mustafayevanın liderliyi ilə Medlife MMC-nin təşəbbüsləri, bölgədə innovativ tibbi həllərin tətbiqi və insan sağlamlığının qorunmasına yönəlib.
Hörmətli Məhərrəm Quliyevin dəstəyi və bölgədə tibb mütəxəssislərinin bir araya gəlməsi, Goranboy rayonunun tibb sahəsində inkişaf perspektivlərinin genişlənməsinə zəmin yaratdı. Bu görüş, həmçinin, Azərbaycanın tibb sahəsində beynəlxalq standartlara uyğun yeni nailiyyətlər əldə etməsi yolunda bir nümunə kimi yadda qaldı.