Azərbaycanda Elektron ticarətin bu günü

21-ci yüz illikdə sürətli texnoloji inkişaf yeni xidmət sahələrinin meydana gəlməsinə səbəb olmuşdur. Bu xidmət sahələrindən biri də elektron ticarətdir.

Bütün ölkələrin əsas hədəfi iqtisadi cəhətdən inkişaf etməkdir. İqtisadi inkişafda əsas amil yeni texnologiyaların yaradılması, yeniliklərin sənayeyə tətbiq edilməsi və istehsal olunan məhsulların beynalxalq bazarda yer ala bilməsidir.

Ölkəmizdə necə elektron ticarətin aktuallığı nə səviyyədədir?

Qeyd edək ki, mövzu ilə bağlı suallarımızı iqtisadçı ekspert Xalid kərimli cavablayıb. İlk sualımız Azərbaycanda elektron ticarətin qarşılaşdığı problemlərlə bağlı oldu.

“Burada ən böyük problem həm şirkətlər həm də alıcılar da görmək olar. Şirkətlərin böyük əksəriyyəti elektron ticarətin əhəmiyyətini dərk etmirlər. Bu istiqamətdə işlərini yaxşı qura bilmirlər. Buna səbəb bu sahədə peşəkar mütəxəsis çatışmazlığıdır. Azərbaycanda İT sahəsi və marketinq sürətlə inkişaf edir. Amma yenədə mütəxəsislərə ehtiyac var.”

Elektron ticarətin ləngiməsinə təsir göstərən amillər nələrdir?

Ekrspert bildirir ki, sahibkarlar bu sahəyə etinasız yanaşır. Yalnız novator olan proqressiv şirkətlər bu sahədə işlərini yaxşı qura biliblər. Böyük əksəriyyət hələdə xırda baqqal səviyyəsindən irəli gedə bilmir. Əvvəlki illərlə müqayisədə elektron ticarətə maraq xüsusilə gənclər tərəfindən artıb. Lakin böyük əksəriyyət saxtakarlıq, frıldaqçlıq kimi halların baş verməsindən ehtiyat etdiyi üçün alıcı qüvvəsi hələki istənilən səviyyədə deyil.

Elektron ticarətin işləmə pirinsipləri nələrdir?

Alıcı çox rahat şəkildə əlindəki smartfonla istədiyi məhsulları seçə və sifariş verə bilər. Ödəniş edildikdən sonra məhsul çox rahat şəkildə ünvana çatdırılır. Hətta ölkədə vətəndaşlara aylıq 300 dollara qədər güzəşt edilib ki, heç bir vergi verilməsin.

Elektron ticarətin istehlakçılar üçün üstün cəhətləri istədiyi vaxt istyədiyi məhsulları seçə bilir və qiymətlərini müqayisə edə bilir. Satıcılar artıq məcburi şəkildə sərgi salonları vmağazalar saxlamaq məcburiyyətində deyillər.

Elektron ticarətin hüquqi aspektləri nələrdir?

Ənənəvi ticarətdə olduğu kimi elektron ticartətdə də həm satıcıların həmdə alıcıların hüquqları qanunla qorunur.

E-Ticarət xüsusilə pandemiya dövründa dinamik sürətdə inkişaf etməyə başladı.

Azərbaycanda formalaşan əlverişli iqtisadi mühit, həm də elektron ticarətin inkişafının sürətlənməsinə şərait yaratmışdır. Xüsusilə yeni növ iqtisadi fəaliyyət sahəsi kimi özəl sektorda elektron ticarət payı daha da üstünlük təşkil edir.

Azərbaycanda hazırkı təhsil sisteminin verdiyi təhsil və bacarıqlar İT sektorunda və sənayesində işəgötürənlərin orta tələblərinə belə cavab vermir. Təcrübəli, səriştəli və professional mütəxəssislərin yetişdirilməsi vasitəsilə bu istiqamətdə sektordakı boşluğu doldurmaq və bu sferanın inkişafına güclü təkan verə bilər.

Tarix: 12-08-2024, 10:29 Oxunub: 25