İnnovasiya Azərbaycan üçün çox önəmli məsələdir, ölkənin gələcəyə baxış üzrə beş prioritetindən biridir.
“Sahibkartv.az” xəbər verir ki, bunu Bakıda “PAŞA Holdinq” MMC-nin təşkilatçılığı, Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyinin dəstəyi ilə keçirilən II İllik İnnovasiya Sammitində iqtisadiyyat naziri Mikayıl Cabbarov bildirib.
“Azərbaycan dayanıqlı inkişafa nail olmaq istəyir. Bu da geniş tədbirlərin həyata keçirilməsini tələb edir. Həm dövlət qurumlarında, həm də özəl müəssisələrdə innovasiyaların tətbiqinin genişləndirilməsi bizim üçün önəmli məsələdir”, - deyə o qeyd edib.