Beynəlxalq kredit reytinq agentliyi Standard & Poor's (S&P) Türkiyənin xarici valyutada uzunmüddətli kredit reytinqini "B+" olaraq təsdiqlədiyini, ölkənin yerli valyutada kredit reytinqinin isə "BB-"dən "B+"-a endirildiyini açıqlayıb.
Sahibkartv.az xəbər verir ki, S&P-nin yaydığı açıqlamada Türkiyə iqtisadiyyatı ilə bağlı qiymətləndirmələr aparılıb.
Türkiyənin xarici valyutada uzunmüddətli kredit reytinqinin "B+" olaraq təsdiqləndiyi bildirilən açıqlamada ölkənin yerli valyutada kredit reytinqinin "BB-"dən "B+"-a endirildiyi bildirilib.
Açıqlamada Türkiyənin kredit reytinqi proqnozunun "mənfi" olaraq saxlanıldığı qeyd edilib.
Artan ərzaq və enerji qiymətləri də daxil olmaqla Rusiya-Ukrayna müharibəsinin Türkiyəyə təsir edəcəyi qeyd edilib.
Açıqlamada Türkiyə iqtisadiyyatının bu il 2,4 faiz, gələn il isə 2,9 faiz artmasının gözlənildiyi bildirilib.