Bugünlərdə Türkiyə Silahlı Qüvvələri arsenalına daxil edilən “Akıncı” PUA-larının proqram təminatına ölkə prezidenti Rəcəb Tayyib Ərdoğanın səsli mesajı əlavə olunub.
Mesaj xüsusi şifrələnmiş şəkildə PUA-nın proqramına yazılıb.  
Dövlət başçısı “İstiqlalımız və istiqbalımız üçün hər zaman daha irəliyə”, - deyərək ölkə gənclərinin 2053 və 2071-ci illər üçün nəzərdə tutulmuş hədəflərə nail olacaqlarına inamını ifadə edib.
Həmçinin, Ərdoğan adıçəkilən PUA-nın ərsəyə gəlməsində əməyi keçənləri təbrik edib.
Mənbə: “Anadolu”