NATO Əfqanıstandakı missiyasını başa çatdırıb.
Caliber.Az xəbər verir ki, bunu hərbi alyansın baş katibi Yens Stoltenberq təşkilata üzv ölkələrin XİN rəhbərlərinin videokonfransının yekunlarına əsasən bəyan edib.
O, Kabil hava limanının mühafizəsindəki həyati əhəmiyyətli roluna görə, ABŞ və Türkiyə ilə yanaşı Azərbaycana da təşəkkür edib.
Stoltenberq Əfqanıstanda yeni hakimiyyətin tanınması məsələsinə də toxunub. O, diplomatik münasibətlərin ölkə rəhbərliyinin fəaliyyətindən asılı olacağını bildirib.