Dünyada aclıq və pis qidalanmadan ölənlərin sayı son 1 ildə 6 dəfə artıb.
Sahibkartv.az xəbər verir ki, Oxfam beynəlxalq xeyriyyə təşkilatının “Aclıq Virusu dəfələrlə artır” adlı yeni hesabatı bütün bəşəriyyəti narahat edən yeni məqamları üzə çıxarıb.
Hazırda dünyada hər dəqiqə 11 insan aclıq və pis qidalanma səbəbindən ölür.Planetdə 155 milyon şəxs kəskin ərzaq çatışmazlığı şəraitində yaşayır və ölümlə üz-üzədir. Bu isə ötən ilin göstəricisindən 20 milyon nəfər çoxdur.Müqayisə üçün bildirək ki, ölüm hallarında ikinci yerdə COVID-19 gəlir:hər dəqiqə 7 nəfər.
Aclığın başlıca səbəbi müharibələr, son 2 ildə isə əlavə olaraq koronavirus pandemiyası və iqtisadi vəziyyətin pisləşməsidir.Aclıqdan ən çox əziyyət çəkən ölkələr Əfqanıstan, Efiopiya, Cənubi Sudan, Suriya və Yəməndir. Koronavirusun ən çox vurduğu ölkələr – Hindistan, Cənubi Afrika və Braziliya da yeni “aclıq episentrlərinə” çevrilməkdədir.
Bir tərəfdə mənasız silahlar və daha çox varlanan zənginlər, digər tərəfdə bir tikə çörəyə möhtac milyonlarla insan...
BMT-nin məlumatlarına görə,son 1 ildə qlobal silah ticarəti 51 milyard dollar artıb. Bu isə hazırda qlobal aclığa son vermək üçün lazım olan minimal məbləğdən 6 dəfə çoxdur.Planetin 10 ən zəngin insanının sərvəti isə ötən il 413 milyard dollar çoxalıb.Bu rəqəm də BMT-nin qlobal humanitar yardım tələbindən 11 dəfə böyükdür....