ABŞ-ın ən böyük boru xəttlərindən biri olan Colonial Pipeline-a edilən kiber-hücumdan sonra ölkənin şərq hissəsində yanacaqdoldurma məntəqələrində benzin tükənməyə başlayıb.
Colonial Pipeline-ın yaydığı açıqlamaya görə, boru xətti tam gücü ilə yenidən işini həftə sonu bərpa edə bilər.
Federal araşdırma bürosu FBI kiber-hücum haqqında istintaq aparır. Hücumun arxasında DarkSide adlı hacker qrupunun olduğu bildirirlir.  
Hücumda "Rus barmağı" şübhəsi
ABŞ Prezidenti Joe Biden hücumdan Rusiyanın "məsul olduğunu" bildirib. Biden, hakerlərin və ya istifadə etdikləri proqramın Rusiya mənşəli olduğuna işarə edən sübutlar olduğunu deyib.
Boru xəttinin müvəqqəti bağlı qalması nəticəsində yanacaq qiymətləri artıb. Nəql dayandığı üçün neftayırma zavodları istehsalı azalda bilərlər.