ABŞ müdafiə naziri Pit Heqset 2028-ci il prezident seçkilərində mümkün namizədliyini öz yaxın ətrafı ilə müzakirə edib.
NBC News bu barədə mənbələrə istinadən məlumat yayıb. Onların sözlərinə görə, Heqset və həyat yoldaşı Cenifer bir neçə aydır ki, onun prezidentliyə namizədliyini irəli sürməyi düşünürlər. Onlar hesab edirlər ki, Heqset ABŞ Prezidenti Donald Trampı MAGA (Amerikanı Yenidən Böyük Et) hərəkatı arasında populyar edən keyfiyyətlərə malikdir.
Pentaqon katibinin İctimaiyyətlə Əlaqələr üzrə köməkçisi Şon Parnell NBC News mənbələrinin iddialarını təkzib edib: "Katib Heqset prezidentliyə namizəd deyil. Onun əsas prioriteti ABŞ Müdafiə Nazirliyinə rəhbərlik etməkdir. Başqa hər hansı bir fərziyyə axmaqlıqdır".
Pit Heqset özü də X hesabında NBC News-un 2028-ci il seçkilərində prezidentliyə namizədliyini irəli sürmək niyyətində olduğu barədə xəbərlərini təkzib edib: "Bu, tamamilə yalandır. Biz bunu NBC-yə dedik, amma onlar yalnız anonim mənbələr vasitəsilə yalan danışırlar. Mənim yeganə işim Hərbi Nazirliyi yenidən böyük etməkdir".
