İranda aksiyalarda həyatını itirən şəxslərin anım mərasimləri zamanı yenidən etiraz şüarları səsləndirilib.

Bu barədə "Azad İran" telegram kanalı məlumat yayıb.

Məlumata əsasən, mərasim iştirakçıları hökumət əleyhinə şüarlar səsləndirib, sosial şəbəkələrdə yayılan görüntülərdə izdihamın emosional çıxışları diqqət çəkib:

“Top, tank, avtomat daha təsir etmir.
Anama deyin, oğlu daha yoxdur!”

Bildirilir ki, həmin görüntülər İsfahan vilayətinin Nəcəfabad bölgəsində qeydə alınıb.

Qeyd edək ki, İranda etiraz aksiyalarında ölənlərin 40 mərasimi ənənəvi olaraq kütləvi anım tədbirləri ilə müşayiət olunur və bu mərasimlərdə yenidən etiraz çağırışları səsləndirilir. Sosial mediada yayılan son görüntülər də ölkədə gərginliyin hələ səngimədiyini göstərir.