İsrailin baş naziri Benyamin Netanyahu Fransa prezidenti Emmanuel Makronun BMT Baş Assambleyasının sessiyası ərəfəsində İsrailə qısamüddətli səfər tələbini rədd edib.

 Makron Fransanın Fələstinin birtərəfli qaydada tanınmasına hazırlaşan bir sıra Qərb ölkələrinə qoşulmağı planlaşdırdığı sessiyalar başlamazdan əvvəl ölkəyə gəlmək niyyətində idi.

Lakin Netanyahu səfərin yalnız Parisin bu təşəbbüsü rədd etməsi şərti ilə mümkün olacağını bildirib.

Fransa lideri isə tələbi yerinə yetirməkdən qətiyyən imtina edib.