İran hökuməti düzgün qərar verməli və nüvə silahı əldə etmək imkanından əl çəkməlidir, əks halda ABŞ-ni seçimsiz qoyacaqlar. 

Belə bir bəyanatla ABŞ prezidenti Donald Tramp Ağ Evdə çıxış edib.

"Bu, İranın tarixində ən mühüm məqamdır. Ümid edirəm ki, onlar düzgün qərar verəcəklər. Mən güclü sülh sazişi görmək istərdim. Onların nüvə silahı ola bilməz, lazım olan hər şeyləri var. Böyük miqdarda neft və aktivləri var. Biz onların uğurlu ölkə olmasını istəyirik. Biz buna mane ola biləcək heç bir şey etmək istəmirik”, - Tramp qeyd edib.

O vurğulayıb ki, İranın nüvə silahı ola bilməz: “Əgər onlar başqa yolla getməyə qərar versələr, bu, çox üzücü olacaq. Biz bunu etmək istəmirik, amma başqa seçimimiz də olmayacaq".

Qeyd edək ki, “Axios” portalı ABŞ-İran danışıqlarının 10-11 may tarixlərində dördüncü raundunun keçiriləcəyi barədə məlumat yayıb.