Feysbuk, instaqram və vatsap sosial media platformalarının sahibi "Meta"nın qurucu CEO-su Mark Zukerberq ABŞ Prezidenti Co Bayden administrasiyasının pandemiya dövründə onlara təzyiq göstərdiyini bildirib.
Sahibkartv.az xəbər verir ki, Zukerber bu barədə qonaq olduğu podkastda danışıb.
O deyib ki, Bayden administrasiyası bu müddət ərzində peyvənd əleyhinə olan tərəfdarlara senzura tətbiq etməyə çalışıb.
"Bayden administrasiyasından olan insanlar komandamıza zəng edir, qışqırır və bizi söyürdülər" - o deyib. 
Milyarder qeyd edib ki, sözügedən telefon zənglərin heç bir qeydi olmasa da, oxşar məzmunlu e-poçtlar var.
"Doğru və həqiqəti əks etdirən məzmunu silmək üçün bizə güclü təzyiq göstərdilər. Bir sözlə, vaksinlərin əlavə təsirləri olduğunu bildirən yazıların silinməsini istədilər".
Zukerberq onlara deyilənləri etmıədiklərini söyləyib.