Hindistanın 3 min metrdən çox hündürlükdə olan Ladax bölgəsində təkbaşına səyahət edən həvəskar velosipedçi Çinmay Şarma yüksəklikdə oksigen çatışmazlığından dünyasını dəyişib.
NDTV televiziyasının məlumatına görə, paytaxt Yeni Dehliyə bitişik olan Noida şəhərində yaşayan Şarma velosipedi ilə təkbaşına səyahət etmək üçün Ladaxın Leh şəhərinə gedib.
Bildirilib ki, bir neçə gün bölgədə gəzdikdən sonra baş ağrısı ilə xəstəxanaya yerləşdirilən həvəskar velosipedçi Şarma oksigen çatışmazlığından dünyasını dəyişib.
Səhra bölgəsi olan Leh şəhərində orta hündürlük 3 min metrdən çoxdur.
Hündürlüklə əlaqədar turistlərə ən azı 3 gün bölgəyə öyrəşmələri tövsiyə olunur.
