Rosenergoatom-dan verilən açıqlamada, Kursk AES-in dördüncü blokunun avqustun 25-də şəbəkədən ayrılacağı paylaşılıb. Açıqlamada bölmədə planlı təmir prosesinin başlayacağı və təxminən 2 min mütəxəssisin iştirak edəcəyi təmirin 59 gün davam edəcəyi bildirilib.
Kurskda şiddətli toqquşmalar davam edərkən, təhlükəsizlik rəsmiləri Rusiyanın TASS xəbər agentliyinə dünən gecə elektrik stansiyasına pilotsuz təyyarə ilə hücuma cəhd edildiyini bildiriblər. Rusiya Xarici İşlər Nazirliyinin sözçüsü Mariya Zaxarova açıqlamasında deyib: “Kiyev rejiminin nüvə terror aktı Beynəlxalq Atom Enerjisi Agentliyinin (MAQATE) sürətli reaksiyasını tələb edir”.
Ukraynanın hücum cəhdləri AES-i təhlükə altına qoyur
Rusiya prezidenti Vladimir Putin dünən rəsmilərlə görüşündə Ukraynanın ötən gecə Kursk AES-ə hücuma cəhd etdiyini bildirib. “Rosatom”un avqustun 17-də verdiyi bəyanatda bildirilirdi ki, Kurskdakı AES ətrafında vəziyyət Ukraynanın hücumları səbəbindən pisləşib.
Avqustun 6-da Ukrayna ordusunun başlatdığı hücumlardan sonra Rusiya ərazisinin Kursk vilayətində şiddətli toqquşmalar başlayıb.
