Almaniya kansleri Olaf Şolz İran prezidenti Məsud Pezeşkian ilə telefon danışığı aparıb.
Almaniya hökumətinin sözçüsü Volfqanq Büxnerin verdiyi yazılı açıqlamaya görə, Baş nazir Şolz Yaxın Şərqdə regional münaqişə təhlükəsindən narahatlığını ifadə edib.
Prezident Pezeşkiyanı hərbi gərginliyin daha da artmasının qarşısını almaq üçün mümkün olan hər şeyi etməyə çağıran Şolz bəyan edib ki, Yaxın Şərqdə zorakılıq spiralını dərhal qırmaq lazımdır, əks halda region ölkələri və xalqları üçün saysız-hesabsız təhlükələr yaranacaq.
Münaqişələrə son qoymaq üçün Qəzza zolağında atəşkəs və girovların azad edilməsinə dair razılaşmanın ən qısa zamanda bağlanıb həyata keçirilməsinin vacibliyini vurğulayan Şolz bunun regional gərginliyin azaldılmasına mühüm töhfə verəcəyini müdafiə edib.
