“Indian Express” qəzetinin məlumatına görə, ştatın səhiyyə rəsmiləri 14 yaşlı uşağın 10 gün əvvəl hərarətinin qalxdığını və xəstəxanaya yerləşdirildiyini bildirib.
Ştat Səhiyyə Naziri Veena George, Nipah virusu diaqnozu qoyulan uşağın müdaxilələrə baxmayaraq öldüyünü açıqladı.
Uşağın təmasda olduğu 4 adamda virus əlamətlərinin olduğunu bildirən Corc bu şəxslərdən birinin vəziyyətinin ağır olduğunu qeyd edib.
Bundan əlavə, dövlət səhiyyə birimi Malappuram rayonunda virusa dair xəbərdarlıq edilən bir "nəzarət otağı" qurdu.
Səlahiyyətlilər ölən uşağın yaxınlarını Nipah testindən keçməyə çağırıb və uşaqla təmasda ola biləcək şəxslərin müəyyən edilməsi üçün işə başlayıb.
NİPAH VİRUSU NƏDİR?
Nipah virusuna yoluxmuş şəxslərdə simptomlar dərhal görünməsə də, qızdırma, baş, boğaz və əzələlərdə ağrı kimi simptomlarla qripə bənzər bir vəziyyət inkişaf edə bilər. Növbəti mərhələdə başgicəllənmə, yorğunluq, şüurun dəyişməsi baş verə bilər.
Həm heyvanlarda, həm də insanlarda xəstəliyə səbəb olan viral infeksiya olan Nipah virusu ilk dəfə Malayziyanın Nipah bölgəsində epidemiya ilə başlayıb.
