“Fənərbaxça” Pyer-Emil Hojbjerqi gündəmə gətirib. Sarı-göylülər "Tottenhem"lə müqaviləsinin bitməsinə 1 il qalmış yarımmüdafiəçini heyətinə qatmaq istəyir.
Fənərbaxçada transfer çalışmaları davam edir. Sarı-göylülərin təcrübəli çalışdırıcısı Joze Mourinyo müdafiəyə əsaslanan yarımmüdafiəçi transferi istədiyini rəhbərliyə çatdırıb.
TRT Sporda yer alan xəbərə görə, bu çərçivədə işə başlayan prezident Ali Koç və heyəti Pierre-Emile Hojbjerg üçün təşəbbüslər etməyə başlayıb.
“Tottenhem”də çıxış edən 28 yaşlı futbolçunun klubu ilə müqaviləsi 2025-ci ildə başa çatır.
Danimarkalı futbolçu bu mövsüm İngiltərə yığmasının heyətində 39 rəsmi oyunda iştirak edib.
Bu matçların 10-na ilk 11-də başlayan Hojbjerg komandasına nə qol, nə də məhsuldar ötürmə verə bildi.
4 mövsümdür London təmsilçisinin uğurları üçün mübarizə aparan 28 yaşlı futbolçu 184 matçda 10 dəfə fərqlənib, 16 qol ötürməsi edib.
Mert Hakan Yandaşla müqavilənin yenilənməsi ilə bağlı danışıqları yekunlaşdıran rəhbərlik İsmayıl Yüksek və Fredi bu bölgədə komandada saxlamağı planlaşdırır.
Rəhbərliyin oyunçulara edilən təkliflərdən asılı olaraq yeni gücləndirmələr etmək planını dəyişə biləcəyi öyrənilib.
